بیروت ( آن لائن) حزب اللہ نے لبنان کی حدور میں اسرائیلی ڈرون طیارہ مار گرانے کا دعویٰ کیا ہے۔ غیر ملکی میڈیا کا کہنا ہے کہ حزب اللہ نے جنوبی لبنان کے علاقے زبقین میں اسرائیلی ڈرون مار گرانے کا دعویٰ کیا ہے ، جبکہ دوسری جانب اسرائیل نے حزب اللہ کا دعویٰ مسترد کردیا ہے ، اسرائیلی فوج کا کہنا ہے کہ ہمارا فوجی ڈرون معمول کی پرواز کے دوران لبنان کے علاقے میں گر ا ہے ، طیارے کو کسی کی جانب سے نشانہ نہیں بنایا گیا۔خیال رہے کہ یہ واقعہ ایسے وقت میں ہوا ہے کہ جب لبنان اور اسرائیل کی سرحد پر پچھلے کئی ہفتوں سے صورتحال کشیدہ ہے، حالیہ تنازع کا مرکزی علاقہ شیبا فارمز ہیں۔ رواں ماہ کے آغاز میں اسرائیلی فوجیوں نے سرحدی علاقے میں لبنان کےاحتجاجی مظاہرین کو منتشر کرنے کیلئے آنسو گیس کا استعمال کیا تھا۔
0
