وزیراعظم میاں محمد شہباز شریف کی زیر صدارت سیاسی رہنماؤں کا اجلاس ہوا ہے

وزیراعظم میاں محمد شہباز شریف کی زیر صدارت سیاسی رہنماؤں کا اجلاس ہوا ہے جس میں اتحادی جماعتوں کے سرکردہ رہنماؤں نے شرکت کی۔اجلاس میں جمعیت علماء اسلام کے سربراہ مولانا فضل الرحمان، مسلم لیگ ن کی چیف آرگنائزر مریم نواز ، وفاقی وزیر داخلہ رانا ثنااللہ،وزیر مواصلات مولانا اسعد محمود ، وزیر قانون اعظم نذیر تارڑ ، قمر زمان کائرہ ،شیری رحمان ، خالد مقبول صدیقی اور فاروق ستار نے شرکت کی ۔اس موقع پر سابق وزیر اعظم میاں نواز شریف اور سابق صدر آصف علی زرداری نے ویڈٰیو لنک کے ذریعے خصوصی شرکت کی۔اجلاس میں سپریم کورٹ کے فیصلے سے پیدا ہونیوالی صورتحال کا جائزہ لیاگیا۔